ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រី៖ រាជរដ្ឋាភិបាលយើងមិនមែនធ្វើសកម្មភាពតែពេលល្អ ពេលលំបាកទុកប្រជាពលរដ្ឋចោលនោះទេ

  • ចុះផ្សាយថ្ងៃទី០៥ ខែធ្នូ ឆ្នាំ២០២៣ ម៉ោង ១០:២៣ នាទី ដោយ Hun Sirivadh
  • 1478
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានថ្លែងថារដ្ឋាភិបាលកម្ពុជាមិនមែនធ្វើការតែពេលល្អនោះទេ តែនៅជាមួយពលរដ្ឋគ្រប់កាលៈទេសៈដោយថាមិនដែលទុកប្រជាជនចោលនោះទេ។ សម្ដេចថ្លែងបែបនេះក្នុងការប្រកាសដាក់ឱ្យអនុវត្តជាផ្លូវការ «គោលការណ៍ណែនាំស្តីពីក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ» និង «គោលការណ៍ណែនាំស្តីពីក្របខណ្ឌកិច្ចគាំពារសង្គម ឆ្លើយតបនឹងគ្រោះអាសន្ន» ព្រឹកថ្ងៃអង្គារ៍ ទី៥ ខែធ្នូ ឆ្នាំ២០២៣នេះ នៅសណ្ឋាគារសុខាភ្នំពេញ។

សម្ដេចធិបតីនាយករដ្ឋមន្ត្រី បានថ្លែងថាជាង ៤០ឆ្នាំមកនេះរដ្ឋាភិបាលកម្ពុជាដែលដឹកនាំដោយបក្សប្រជាជនគឺតែងតែងនៅជាមួយពលរដ្ឋគ្រប់ពេលចាប់តាំងពីរំដោះពីរបបប្រល័យពូជសាសន៍ បញ្ហាគ្រោះធម្មជាតិ វិបត្តិសេដ្ឋកិច្ចសាកល និងជំងឺកូវី-១៩ ជាដើម ដែលបញ្ហាទាំងនេះបានធ្វើឱ្យរដ្ឋាភិបាលរៀបចំនៅគោលនយោបាយនិងវិធីសាស្ត្រផ្សេងៗដើម្បីជួយទៅដល់ប្រជាពលរដ្ឋ។

សម្ដេចថា៖ «រាជរដ្ឋាភិបាលយើងមិនមែនធ្វើសកម្មភាពតែពេលល្អ ពេលលំបាកទុកប្រជាពលរដ្ឋចោលនោះទេ។ ប៉ុន្ដែជារដ្ឋាភិបាលមួយដែលបុរេសកម្ម ក្នុងរយៈពេល ៤០ឆ្នាំនេះប្រវត្តិនៃការតស៊ូរំដោះប្រទេសបង្រួបង្រួមជាតិនិងការជួយទៅដល់ប្រជាពលរដ្ឋ»។

សម្ដេចបន្ថែមថា រដ្ឋាភិបាលអាណត្កិទី៧នឹងបន្តនូវគោលការណ៍ធ្វើយ៉ាងណាឱ្យប្រព័ន្ធនៃការគាំពារដល់ប្រជាពលរដ្ឋកាន់តែមានប្រសិទ្ធភាព និងប្រសើរឡើង។

រដ្ឋមន្ត្រីក្រសួងសង្គមកិច្ច លោក ជា សុមេធី បានថ្លែងថាការប្រកាសដាក់អនុវត្តន៍គោលការណ៍កម្មវិធីជាតិចំនួន២ នៅថ្ងៃនេះ គឺធ្វើឡើងស្របតាមគោលនយោបាយជាតិគាំពារសង្គម ២០១៦-២០២៥ និងផ្អែកតាមបទពិសោធន៍នៃការអនុវត្តកម្មវិធីជាតិជំនួយសង្គមកន្លងមក។ ការដាក់ជាកម្មវិធីនេះនឹងត្រូវរួមបញ្ចូលកម្មវិធីជាតិជំនួយសង្គមដែលមានស្រាប់មួយចំនួនទៅក្នុងកមុ្មវិធីថ្មី។

លោកថា៖ «ក្នុងនាមថ្នាក់ដឹកនាំ និងមន្ត្រីរាជការ នៃក្រសួងសង្គមកិច្ច អតីយុទ្ធជន និងយុវនីតិសម្បទា ខ្ញុំបាទ សូមប្ដេជ្ញាចិត្តបំពេញបេសកកម្មនេះដោយស្មារតីម្ចាស់ការ ច្នៃប្រឌិត ប្រកបដោយគណនេយ្យភាព តម្លាភាព និងប្រសិទ្ធភាពខ្ពស់ដើម្បីធានាការអនុវត្តក្របខណ្ឌទាំង២នេះទទួលបានជោគជ័យ»។

ក្របខណ្ឌកម្មវិធីជាតិជំនួយសង្គមចំនួន២ ដែលនាដាក់អនុវត្តន៍នាថ្ងៃនេះរួមមាន គោលការណ៍ណែនាំស្ដីពីក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ ដែលសំដៅជួយដល់គ្រួសារដែលងាយរងគ្រោះឱ្យទទួលបាននូវការគាំពារសង្គមដ៏រឹងមាំមួយ និងគោលការណ៍ណែនាំស្ដីពីក្របខណ្ឌកិច្ចគាំពារសង្គមឆ្លើបតបនឹងគ្រោះអាសន្ន ដែលនឹងផ្ដល់ការគាំពារមានលក្ខណៈជាប្រព័ន្ធដល់ពលរដ្ឋដែលរងគ្រោះពីហានិភ័យនានាដូចជាគ្រោះធម្មជាតិ វិបត្តិសេដ្ឋកិច្ច និងសុខភាពសាធារណៈជាដើម។

នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងពីភាពចាំបាច់ក្នុងការដាក់ជាកញ្ចប់បែបនេះគឺដើម្បីធ្វើឱ្យមានភាពងាយស្រួល មានអង្គភាពទទួលខុសត្រូវច្បាស់លាស់ ធានាលក្ខណៈរយៈពេលវែង ភាពធន់ លើកកម្ពស់ការចូលរួមនិងទទួលផលដោយគ្មានការរើសអើង និងគ្រប់ដណ្ដប់ឱ្យបានច្រើននៅទូទាំងប្រទេស។

គួរឱ្យដឹងផងដែរថាចាប់តាំងពីអនុវត្តន៍កម្មវិធីជំនួយសង្គមដែលរួមមានឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ ជួយដល់គ្រួសារក្រីក្រនិងរងគ្រោះពីជំងឺកូវីដ-១៩ គ្រោះធម្មជាតិ និងអតិផរណាចាប់តាំងពីខែមិថុនា ឆ្នាំ២០១៩ រហូតមកដល់បច្ចុប្បន្នរដ្ឋាភិបាលកម្ពុជាបានចំណាយទឹកប្រាក់ប្រមាណជា ១ ៣០០លានដុល្លារ៕ 


ព័ត៌មានជាច្រើនទៀតសម្រាប់អ្នក